Europa ndodhet në një fazë të ndërlikuar pas vendimit të Joe Biden për të tërhequr nga gara për Shtëpinë e Bardhë dhe për të mbështetur kandidaturën e Kamala Harris.
Kjo lëvizje e papritur ka sjellë pasiguri dhe refleksione të thella në kryeqytetet europiane, duke e vendosur Bashkimin Europian në një pozitë të ndjeshme përpara zgjedhjeve presidenciale amerikane.
Josep Borrell, kreu i diplomacisë europiane, ka shprehur neutralitetin e tij, duke uruar më të mirën për kandidatin e demokratëve pa përmendur emrin e Kamala Harris.
“Amerikanët duhet të vendosin se kë duan në Shtëpinë e Bardhë”, theksoi Josep Borrell
Në anën tjetër, shqetësimet rriten lidhur me mundësinë e një rikthimi të presidentit Trump në Shtëpinë e Bardhë dhe ndikimin e mundshëm që kjo do të kishte në marrëdhëniet euroatlantike.
Strategjitë e ardhshme të BE-së duhet të përqendrohen në përgatitjen për çdo skenar të mundshëm, duke përfshirë bashkëpunimin me administratën e re amerikane në çështje të rëndësishme si mbështetja për Ukrainën dhe stabilizimi në Lindjen e Mesme.
