Familjarët e një 61-vjeçareje që ka ndërruar jetë më 14 gusht 2024 kanë kallëzuar dy mjeke të Spitalit të Korçës në Prokurori, duke pretenduar se ka pasur neglizhencë në trajtimin e saj.
Policia e Korçës ka referuar materialet në Prokurori për vlerësim për mjeket A. D. dhe G. R.
Familjarët dyshojnë se vdekja e 61-vjeçares, e cila ndodhi si pasojë e arrestit kardiak, mund të ketë qenë rezultat i moskujdesit të duhur nga ana e mjekëve.
Grupi hetimor do të shqyrtojë këto pretendime për të zbardhur rrethanat e ngjarjes.
