Mbrëmjen e sotme në emisionin 5 pyetjet me Babaramon po diskutohet për ngjarjet kriminale dhe luftën e shtetit me krimin.
Gazetari Ferdinand Dervishi veçoi tre ngjarje që ndodhën muajt e verës.
Ai u shpreh se ka periudha kohore që ka shtim të ngjarjeve kriminale dhe kur vijnë shumë emigrantë zgjidhin probleme të mbartura.
Më pas Dervishi përmendi tre nga ngjarjet kriminale.
“Kur një personazh në Fier, i kishin vrarë një nga Lushnja, ai kapo banda e familjes fierake, i thotë familjes, nëse brenda vitit të ri nuk e merrni hakun do vijë t’iu vrasë juve. I fut një kërcënim nga Italia, do vijë t’iu vrasë juve. Dhe ai vritet në datën 31. Ka lidhje me emigrantë, histori të mbartura. Ndërsa ngjarjen e fundit më duken si plagë të shoqërisë shqiptare. Ngjarja e Pogradecit, sherri në bllok dhe vrasja e babait në Shënavlash. Këto nuk kanë lidhje shumë me emigrantët. Në Pogradec kemi fshehje të dyshuar të provave. Ngjarja e bllokut shumë e rëndë. Kemi një mashkull që akuzohet nga e fejuara se ka një lidhje tjetër. Dhe nuk zgjidhet problemi me personin që ka marrëdhënie”.
