Deputetja e Partisë Demokratike Jorida Tabaku me anë të një video të publikuar në rrjetet sociale njofton se është takuar me minatorët që kanë protestuar para Parlamentit.
Tabaku shprehet se pasi ka parë minatorët duke protestuar tek Parlamenti është ndaluar që ti pyes se cilët janë problemet e tyre.
“Ata kërkojnë statusin e minatorit për pothuajse 3500 minatorë që janë në një ndër punët më të vështira, më të rënda, me sigurinë më të ulët të jetës, e cila siguron të ardhura të ulta për familjen”, thotë Tabaku.
Më tej ajo vijon të shprehet se në buxhet nuk ka pasur vend për 3200 minatorët që tu ofrohet statusi i minatorit.
“Puna duhet respektuar! Pensionet e tyre duhen trajtuar ndryshe!”, theksoi Tabaku.
