Kryesia e Partisë së Lirisë e mbledhur sot thotë se ka dënuar dënimin politik dhe burgosjen e deputetit demokrat Ervin Salianji, i cili denoncoi lidhjet e tmerrshme të trafikut ndërkombëtar të drogës me Edi Ramën dhe Qeverinë.
Ata shprehen se mbështesin plotësisht qëndrimin e drejtë të opozitës në Parlament dhe protestën kombëtare të thirrur në datën 7 tetor.
Gjithashtu kryesia e Partisë së Lirisë i fton të gjithë qytetarët që të ngrihen në këmbë për të shpëtuar Shqipërinë dhe shqiptarët nga vjedhja e përditshme skizofrenike, që ju bën banda e hajdutëve “rilindas” me Edi Ramën në krye.
