Media shtetërore iraniane ka pranuar se ka pasur shpërthime në dhe rreth kryeqytetit, Teheran. Por nuk ka ende qartësi saktësisht se cilat kanë qenë objektivat dhe nëse ato janë goditur me sukses nga Izraeli.
Faqet e lajmeve pranë Gardës Revolucionare kanë thënë se disa baza ushtarake janë shënjestruar. Por të paktën tani për tani, media iraniane po e zvogëlon ndikimin.
Natyra e vërtetë e asaj që ka ndodhur ka të ngjarë të dalë pak nga pak nga autoritetet iraniane. Izraeli mund të lëvizë më shpejt për të zbuluar detajet e sulmit të tij, por kjo varet nga fakti nëse planifikon ose jo të kryejë një valë tjetër.
Pentagoni ka dhënë një informim se SHBA-të janë vënë në dijeni më parë për planet e Izraelit dhe se nuk ka pasur përfshirje të SHBA-së në operacion.
Kjo është e rëndësishme në përpjekjet e Uashingtonit për të parandaluar që konflikti midis Izraelit dhe Iranit të përshkallëzohet në një konfrontim që mund t’i afrohet gjithnjë e më shumë luftës gjithëpërfshirëse.
SHBA-të gjithashtu do të presin që pluhuri të qetësohet për të parë nëse objektivat e Izraelit ishin të kufizuara në objektiva ushtarakë apo shkuan përtej kësaj për të përfshirë objektet e lidhura me programin bërthamor të Iranit – gjë që mund të shkaktojë një tjetër përgjigje të madhe nga Teherani.
Tani për tani – me provat e pakta që janë në dispozicion – Izraeli mund t’i ketë marrë parasysh paralajmërimet e Uashingtonit dhe të ketë frenuar disa nga planet e tij më ambicioze për të shkaktuar dhimbje maksimale tek autoritetet iraniane.
Izraeli sulmon objektivat ushtarake në Iran, Teherani: Nuk pati sukses
