Një 33-vjeçar shqiptar u dënua me 11 vite burg në Angli pasi i gjetën të fshehur një pistoletë dhe 13 kilogram kokainë në gardërobën e tij.
33-vjeçari Irakli Rustemi u arrestua vitin e kaluar nga autoritetet angleze teksa po lëvizte me një Citroen DS3 të bardhë në Buntingford. Ai rezultoi se ishte i arratisur nga Forca e Emigracionit pa leje për të qëndruar në Britani.
Gjatë kontrollit në makinë dhe në banesën e tij i gjetën një pistoletë dhe gjashtë fishekë në një karikator, i cili ishte mbështjellë me një peshqir dhe vendosur në një gardërobë, së bashku me kokainë me një vlerë prej 700,000 paund.
