Kryedemokrati Sali Berisha ka akuzuar kryeministrin Edi Rama për një telefonatë që ai pretendon se Rama ka marrë përmes SkyEcc, duke thënë se kjo telefonatë e ka lënë kryeministrin shqiptar të shqetësuar për dy net.
Sipas Berishës, telefonata ka ardhur nga ish-zyrtari amerikan, Charles McGonigal, dhe ka pasur ndikim të fortë tek Rama, i cili tani është në pritje të “ndarjes së burgut të ryshfetit” që ai ka marrë, sipas akuzave të Berishës.
Miqtë e mi!
Kësaj here, fatmirësisht edhe sivllau i tij, superspekullanti i botës, Aleksis Soros nuk po i përgjigjet telefonatave të tij.
Nuk po i përgjigjet sepse, është i zënë vetë, në vendin e tij, pritet të japë llogari para kombit amerikan që ndëshkoi në mënyrë shembullore ‘wokizmin’ e tij, dëmet e mëdha publike që u bëri qytetarëve amerikanë, kjo monstër e njerëzimit.
Edi Rama, i cili me datën 6 do të shkruante se, ka punuar me përkushtim të madh me presidentin e 46 dhe do të përkujtojë me përkushtim të madh me presidentin e 47, ka marrë një telefonatë, por miqtë e mi, jo telefonatën që priste.
Ka marrë një telefonatë me SkyEcc që ka dy net që e lë pa gjumë.
Telefonata nuk i vinte nga e priste. Se tashmë kolonelit nuk ka kush ti shkruajë, por i vinte nga nuk e priste.
I vinte nga McGonigali; Edi po të pres, se në qoftëse u dënova unë për rryshfet, rryshfetin ma dhe ti dhe ndaj këto vite burg do ti ndajmë bashkë.
