Një specialist ekonomie në Kosovë ka folur ditën e djeshme rreth tregut të punës dhe papunësisë në vend.
Profesor Ujkan Bajrami ka shpjeguar në një emision se migrimi i popullsisë po sjell uljen e papunësisë në rang vendi.
Kurse faktori që po sjell migrimin është se njerëzve u jepet vetëm punësim sezonal ose me intervale të shkurtra kohore dhe jo një punë aktive si kërkon shumica e fuqisë punëtore.
Më tej Bajrami ka sjell statistika se sa pritet të shkojnë këto shifra në vijim bazuar dhe nga Agjencia e Statistikave të Kosovës.
“Në vitin 2025 i referohem nëse jemi në kushtet e njëjta ekonomike, papunësia do të shkoj në 9.46% për të rënë edhe më tutje në vitin 2026 në 7.92%, për të shkuar në 2027 në 6.37%” shpjegoi Ujkan Bajrami.
