E Ngarkuara me Punë e Ambasadës së SHBA-së, Nancy VanHorn, zhvilloi një takim me Kryetarin e Gjykatës së Lartë, Sokol Sadushi, dhe kryetarët e Kolegjeve Penale dhe Civile, Ilir Panda dhe Artur Kalaja.
Gjatë takimit, VanHorn theksoi angazhimin e SHBA për të mbështetur përpjekjet e Gjykatës së Lartë në forcimin e shtetit të së drejtës në Shqipëri, duke vlerësuar progresin në reduktimin e çështjeve të prapambetura.
Ajo inkurajoi Gjykatën të vazhdojë me integritet dhe profesionalizëm për të avancuar më tej reformat në sistemin e drejtësisë.
