Presidenti i Shteteve të Bashkuara, Donald Trump, pritet t’i nënshtrohet sot një kontrolli të përsëritur mjekësor në Qendrën Mjekësore Ushtarake “Walter Reed”, në kuadër të ekzaminimeve të tij të rregullta shëndetësore vjetore.
Vizita vjen si pjesë e kontrolleve periodike që bëhen publike nga Shtëpia e Bardhë, ndërsa Trump vijon të jetë presidenti më i vjetër që është betuar ndonjëherë në SHBA.
“Presidenti ka planifikuar një vizitë në Qendrën Mjekësore Ushtarake Kombëtare ‘Walter Reed’ për një kontroll parandalues mjekësor dhe dentar. Ky ekzaminim është pjesë e kontrolleve të rregullta shëndetësore dhe ndjekjeve periodike të gjendjes së tij shëndetësore”, njoftoi Shtëpia e Bardhë.
