Bashkëshortja e kryebashkiakut të Tiranës, Erion Veliaj, Ajola Xoxa, është parë të dalë nga galeria “Harabel” në orët e vona të mbrëmjes, pas një kontrolli të zhvilluar nga agjentët e Byrosë Kombëtare të Hetimit (BKH).
Në një video të siguruar nga lapsi.al, shihet automjeti i saj që largohet nga parkimi i galerisë, pas veprimeve të kryera nga BKH. Ky kontroll bëri pjesë të hetimeve të Prokurorisë së Posaçme (SPAK), lidhur me një hetim pasuror ndaj Erion Veliajt dhe familjes së tij. Gjatë aksionit, agjentët sekuestruan telefonin e Xoxës, ndërkohë që më herët kishin realizuar një kontroll edhe në shtëpinë e kryebashkiakut, ku ai ndodhej jashtë vendit.
SPAK ka hapur një procedim penal për hetimin pasuror të Veliajt dhe familjarëve të tij.
