Policia e Tiranës ka arrestuar dy persona të kërkuar për vepra të ndryshme penale. E. T., 33 vjeç, u arrestua pasi ishte shpallur në kërkim nga Gjykata e Shkallës së Parë për prodhim dhe shitje narkotikësh, me masën e sigurisë “arrest në burg”.
Ndërkohë, A. R., 26 vjeç, u kap për ushtrim të ndikimit të paligjshëm ndaj personave që ushtrojnë funksione publike, për të cilin ishte dënuar me 8 muaj burgim nga Gjykata e Apelit për Korrupsionin dhe Krimin e Organizuar.
Arrestimet u realizuan pas ekzekutimit të vendimeve të gjykatave përkatëse dhe materialet e çështjeve janë kaluar në Prokurori për hetime të mëtejshme.
