Ish kryeministri italian Matteo Renzi ka reaguar në rrjetin e tij social në lidhje me investigimin e Piranjave për policët italianë që do të monitorojnë qendrat e emigrantëve në Gjadër.
Renzi ka takuar gazetarët e Piranjave dhe shprehet se opozita duhte të bëjë propozime dhe jo të kritikojë. Ai shprehet se Meloni ka shpenzuar pothuajse një miliard euro për qendrën e emigrantëve që nuk do të ndërtohet kurrë.
Ish kryeminstri ka thënë që do të bëjë pjesën e tij për çështjen e qendrës së emigrantëve në Shqipëri.
“Propozimi im është i thjeshtë: le të vendosim rreth dy mijë të burgosurit shqiptarë që ndodhen aktualisht në burgjet italiane në qendrën e emigrantëve. Në këtë mënyrë reduktojmë mbipopullimin. Ne ulim kostot. Dhe le të mos mbajmë më karabinierët dhe policët në Shqipëri: këta agjentë duhen në Itali, duhen në rrugët tona. Javën e kaluar programi shqip Piranjat tregoi se çfarë bën vërtet policia në Shqipëri: Kam bërë një intervistë me gazetarin që ka shkruar scoop-in, e cila do të transmetohet nesër në Syri TV. Dhe unë bëra këtë propozim: ta shndërrojmë qendrën e emigrantëve në një burg për shqiptarët e paraburgosur në Itali. Le ta bëjmë tani.”, shkruan Renzi.
