Një aksident i rëndë ndodhi sot në Lezhë, ku një motoçikletë u përplas me një traktor bujqësor, duke lënë të plagosur rëndë drejtuesin e motoçikletës. Ngjarja ndodhi rreth orës 14:20 në qendër të fshatit Baqel, në Njësinë Administrative Blinisht.
Sipas policisë, drejtuesi i motoçikletës, A.M., 54 vjeç, është dërguar me urgjencë në spital, ku po merr trajtim mjekësor. Grupi hetimor ka mbërritur në vendngjarje dhe po heton shkaqet e aksidentit, ndërsa ndaj drejtuesit të traktorit, P.P., 73 vjeç, po kryhen veprime procedurale. Policia vazhdon të zbardhë rrethanat e këtij aksidenti të rëndë.
