Tre persona janë plagosur nga një aksident në Berat në mesnatë në vendin e quajtur “Dogana”. Një makinë tip ‘Hyundai’, që po qarkullonte në drejtim të qytetit të Beratit, ka humbur kontrollin dhe ka dalë nga rruga.
Makina është rrokullisur dhe më pas ka përfunduar në kanalin në anë të rrugës. Si pasojë e përplasjes janë plagosur 3 personat që ndodheshin brenda. Të plagosurit dy vëllezër dhe një grua janë transportuar me ambulancë drejt Spitalit Rajonal Berat.
