Prej orës 17:00 po zhvillohet protesta e thirrur nga opozita me bllokimin e pesë rrugëve kryesore në Tiranë. Mosbindjes civile i eshte bashkuar Sali Berisha, kjo eshte hera e pare pas nje viti qe zbret ne shesh. Premtoi rezistencë.
“Kjo është dita e demokratëve, në protestë, revoltë, në mosbindje ndaj narko-diktatorit. Ky dimër premton që të jetë i vështirë, si për argatin e Tiranës dhe padronin e Beogradit që diktatorin po e dridhin nga themelet.
Edhe në Tiranë, diktatori nuk ka të ardhme. Përshëndes qytetarët që nga të katërta anët e vendit kanë ardhur dhe kanë marrë Tiranën në duart e tyre. Nuk ndalojmë pa arritur objektivat tona për qeveri teknike dhe zgjedhje të lira. Mosbindja civile është kodi i rrëzimit të diktatorëve” tha ai.
