Në emisionin “5 pyetjet nga Babaramo”, Adriatik Lapaj Kryetari i lëvizjes politike “Shqipëria Bëhet”, ka shpjeguar arsyet që kanë ngadalësuar procesin e aplikimit për votën e diasporës.
Sipas tij, sfidat teknike në sistem kanë krijuar vështirësi për shumë qytetarë, duke përfshirë probleme me identifikimin e fotografisë dhe përputhshmërinë e të dhënave.
“Duhet të ketë më shumë dhe do të ketë më shumë, por procesi është ngadalësuar për shkak të problemeve teknike që ka aplikacioni. Shumë njerëz që janë futur nuk janë identifikuar përmes fotografisë. Po ashtu, ka pasur shumë përgjigje ku thuhej se data e lindjes nuk përputhet me regjistrin e gjendjes civile,” shpjegoi Adriatik Lapaj.
