Mbrëmjen e sotme të shtëna me armë zjarri janë dëgjuar në fshatin Linaj, njësia administrative Gruemirë, në Bashkinë e Malësisë së Madhe.
Dyshohet se ka patur shkëmbim zjarri mes disa personave dhe forcave të policisë së shtetit.
Efektivët kanë hequr disa kamera sigurie në Linaj, kur dy persona kanë qëlluar në drejtim të tyre. Disa persona janë shoqëruar në komisariatin e policisë në Malësinë e Madhe. Ndërkohë deri tani nuk raportohet për të plagosur.
Gjithashtu policia e komisariatit Malësi e Madhe dhe forcat e Policisë nga Shkodra janë nisur drejt vendit të ngjarjes.
