Kryetarja e Kuvendit Elisa Spiropali me anë të një postimi në Instagram ka treguar se ka zhvilluar një takim me sipërmarrës në qendrën e Kamzës.
Spiropali thekson se investimet në zonë kanë ndikuar pozitivisht në rritjen e vlerës së pronës dhe zhvillimin e biznesve. Ajo deklaron se mbështetja për sipërmarrësit po rritet përmes lehtësirave fiskale dhe ofrimit të shërbimeve pa dallim për të gjithë.
“Një kafe me sipërmarrës në Qendër Kamëz, ku investimet në zonë kanë rritur vlerën e pronës dhe kanë ndryshuar bizneset.
Mbështetje gjithnjë në rritje për njerëzit e punës, me lehtësime taksash dhe shërbime pa dallim për të gjithë”, shkruan Spiropali.
