Policia e Vlorës arrestoi një 46-vjeçar me iniciale B.S., pasi ka ushtruar dhunë fizike ndaj bashkëjetueses së tij.
46-vjeçari banues në fshatin Fitore pasi ka ushtruar dhunë e ka kanosur me thikë bashkëjetuesen e tij në mënyrë që ajo të tërhiqte kërkesën për tu pajisur me urdhër mbrojtje.
Në momentin e arrestimit, policia i gjeti dhe i sekuestroi thikën 46-vjeçarit. Ndërsa materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Dhuna në familje” dhe “Kanosja për të mos kallëzuar”.
