Detaje të reja janë zbardhur lidhur me vrasjen e 20-vjeçarit, Pavlin Preka, në fshatin “Guci e Re” në Shkodër. Fillimisht u raportua se viktima ishte vrarë me thikë, por hetimet e fundit kanë konfirmuar se ai u ekzekutua me armë zjarri.
Ekspertiza ka zbuluar se Preka mori një plumb në gjoks nga një pistoletë. Në vendngjarje është gjetur dhe sekuestruar një gëzhojë, e cila do të përdoret për analizat balistike për të identifikuar armën e krimit.
Trupi i pajetë i Prekës u gjet nga familjarët në oborrin e shtëpisë, ndërsa autori i krimit mbetet ende i paidentifikuar.
Policia ka ngritur pika kontrolli në zonë dhe po analizon kamerat e sigurisë për të hedhur dritë mbi lëvizjet e dyshimta në momentin e ngjarjes. Grupet hetimore, të drejtuara nga Prokuroria e Shkodrës, po vijojnë punën për zbardhjen e motiveve dhe identifikimin e autorit të vrasjes.
Detaje/ Vrasja e 20-vjeçarit në Shkodër, viktima u gjet i pajetë nga xhaxhai i tij
