Presidentja e Komisionit Evropian, Ursula von der Leyen, do të prezantojë më 4 mars një plan për forcimin e industrisë evropiane të mbrojtjes, duke theksuar nevojën për një “riarmatosje” dhe garanci të sigurisë.
Plani ka për qëllim të rrisë kapacitetet mbrojtëse dhe të sigurojë stabilitet në BE.
“Ne jemi duke përgatitur intensivisht Këshillin Evropian së bashku me Presidentin Kosta. Në të vërtetë, nesër do t’i informoj vendet anëtare me letër për planin e Evropës së Armatimit. Nuk ka dyshim se ne kemi nevojë për një ngritje masive të mbrojtjes. Ne duam një paqe të qëndrueshme. Por paqja e qëndrueshme mund të ndërtohet vetëm me forcë. Dhe forca fillon me forcën brenda nesh. Ky është qëllimi i planit që do t’ua paraqes shteteve anëtare nesër ,” Riarmatoseni Evropën” përfundoi ajo.
