Ish-presidenti i Kosovës, Hashim Thaçi, u kthye dje për një vizitë të shkurtër nga Haga për të parë prindin e tij të sëmurë, një udhëtim që u mundësua pas disa refuzimesh nga Haga dhe ankesave për shkelje të të drejtave të tij.
Gjatë qëndrimit në QKUK, Thaçi ishte i rrethuar nga masa të rrepta sigurie, me personat e sigurimit të Hagës të veshur me maska të çuditshme që mbulonin nga qafa deri te sytë.
Gjatë daljes, një mjek që përqafoi Thaçin u tërhoq vërejtje nga sigurimi, dhe njëri prej tyre u kthye për të shkëmbyer disa fjalë me të.
