Nesër opozita e drejtuar nga PD do të zhvillojë një protestë kundër mbylljes së Tik Tokut. Sali Berisha u bëri thirrje sot të rinjve dhe prindërve të tyre që nesër të derdhen tek Kryeministria. Premtoi se në 12 Maj nëse fiton do të rikthejë Tik Tokun.
“Thirrja ime për të gjithë të rinjtë por edhe prindërit, të bashkohen nesër në protestën e madhe anti-censurë. Një tiran, i barabartë me Habitullaun e Kabulit, Ajetollahun e Teheranit, një intolerant ndaj fjalës së lirë dhe mendimin të lirë duke shkelur Kushtetutën dhe ligjin i vuri gërshërët, vari Tik Tokun duke firmosur aktin më të rëndë të censurës që nga diktatura komuniste e cila rrethonte vendin me zhurmues kundër radiove dhe televizioneve të vendeve të tjera. Një goditje e madhe shumë kjo për fjalën e lirë, mendimin e lirë. Nesër të protestojmë të gjithë për fjalën e lirë” tha ai.
