Shqipëria humbet ndeshjen e parë të eleminatoreve për Kupën e Botës 2026, teksa mundemi 2-0 nga Anglia në Wembley. Thomas Tuchel e nisi me fitore aventurën e tij te Anglia. Tekniku gjerman u shpreh se ekipi kuqezi ishte skuadër e vështirë.
“Ne mund të bëjmë më mirë, duhet të bëjmë më mirë. Filluam mirë, kishim shtatë e tetë minuta me posedim 100% të topit me shumë pasime dhe energji të lartë.
Kundërshtari ishte i vështirë për t’u thyer pasi mbrojti në një bllok të thellë. Pjesa e dytë, ndjeva se ishim shumë të ngadaltë dhe në përgjithësi nuk iknim mjaftueshëm te topi për të kaluar prapa vijës”, tha Tuchel.
