Gjykata e Tiranës ka lënë në fuqi masat e sigurisë për 8 individë të përfshirë në rrjetin e prostitucionit “Orkidea”, i cili u godit nga policia më 21 mars 2025.
Nga 8 të arrestuarit, 6 prej tyre janë vendosur në arrest burg, ndërsa dy të tjerë janë në arrest shtëpie. Tre të tjerë, përfshirë drejtuesen e rrjetit, janë në kërkim.
Hetimet kanë zbuluar se 44 shtetase të huaj nga Amerika Latine janë shfrytëzuar si punonjëse seksi. Drejtuesja e rrjetit, G. R., 47 vjeçe, operonte nga Kolumbia dhe bashkëpunonte me E. S., 39 vjeç, i cili siguroi kushtet për prostitucionin në Shqipëri.
Të arrestuarit përballen me akuza të rënda, përfshirë trafikimin e personave dhe shfrytëzimin e prostitucionit. Hetimi vazhdon për të zbardhur të gjitha detajet e këtij aktiviteti kriminal.
