Drejtuesi politik i Partisë Demokratike në qarkun e Lezhës, Agron Gjekmarkaj, ka deklaruar se mbështetja masive e qytetarëve në takimet elektorale është dëshmi e besimit dhe energjisë që PD sjell për një të ardhme më të mirë për Shqipërinë.
Gjatë një takimi elektoral të mbajtur në Rrilë në qarkun e Lezhës, Gjekmarkaj theksoi se Partia Demokratike ka një plan të qartë dhe ofron zgjidhje konkrete për shtresat më të prekura të shoqërisë. Në një postim në rrjetet sociale, ai komentoi edhe ngjarjet kriminale të ndodhura së fundmi, duke i cilësuar si sinjale alarmi që kërkojnë një ndryshim të menjëhershëm në drejtimin e vendit.
“Ngjarje të rënda si ajo në Laç tregojnë urgjencën për një qeveri që i jep përparësi sigurisë, drejtësisë dhe ndershmërisë. Me 11 maj i japim fund rilindjes së dështuar dhe ndërtojmë një Shqipëri të drejtë, të ndershme dhe të fortë,” u shpreh Gjekmarkaj.
