Një ngjarje u regjistrua mbrëmjen e djeshme në lagjen 10 të qytetit të Korçës, ku një 40-vjeçar dyshohet se ka kanosur me thikë menaxherin e një supermarketi për të marrë xhiron e ditës.
Sipas burimeve nga policia, autori kishte pritur që menaxheri të dilte jashtë dyqanit dhe kishte mbajtur veshur një kapuç për të mos u njohur.
Forcat e rendit reaguan shpejt, e identifikuan dhe e arrestuan autorin në vendngjarje.
Policia njofton se i arrestuari ka precedentë të mëparshëm penalë për vjedhje, ndërsa ndaj tij rëndon akuza e “vjedhjes me dhunë”.
Hetimet për zbardhjen e plotë të ngjarjes dhe sigurimin e të gjitha provave vijojnë.
