Kryeministri Edi Rama me anë të një postimi në rrjetin social njofton se më 22 Maj do të zhvillohet në Bruksel Konferenca e Pestë Ndërqeveritare me Shqipërinë.
Rama thotë se mbeten për t’u hapur edhe 11 grupkapituj të tjerë. Kryeministri thekson se asnjë dhe askush nuk do ta ndalë fatim europian të shqiptarëve.
“SOT në DITËN e EUROPËS Bashkimi Europian konfirmon ritmin e shpejtë të anëtarësimit të Shqipërisë në Familjen e Bashkuar Europiane dhe zyrtarizon çeljen e negociatave për Grupkapitujt 3 – “Konkurueshmëria dhe Rritja Gjithëpërfshirëse”, duke lajmëruar mbajtjen e Konferencës së Pestë Ndërqeveritare me Shqipërinë më 22 Maj 2025, në Bruksel🤝
Tanimë kemi hapur 24 kapituj dhe mbeten për t’u hapur edhe 11 të tjerë, me punë e shpresë brenda 2025😍
Asgjë dhe askush nuk do ta ndalë dot më fatin europian të shqiptarëve🇦🇱🖐️🇪🇺”, shkruan Rama.
