Prej katër ditësh, qyteti i Los Anxhelosit është përfshirë nga protesta të dhunshme kundër politikave të dëbimit të emigrantëve. Përplasjet mes protestuesve dhe policisë janë intensifikuar, me dhjetëra të arrestuar dhe përdorim të forcës nga autoritetet.
Trazirat janë përhapur edhe në qytete si San Francisko, Nju Jork, Atlanta, Sietëll dhe Dallas, ku janë arrestuar qindra protestues. Në San Francisko u ndaluan të paktën 150 persona.
Në Los Anxhelos janë dislokuar mbi 1.700 trupa të Gardës Kombëtare, ndërsa Presidenti Donald Trump ka urdhëruar vendosjen e 2.000 trupave shtesë, përfshirë edhe 700 marinsa.
Tensioni mbetet i lartë në disa zona të mëdha urbane, ndërsa reagimet publike dhe ndërkombëtare ndaj përdorimit të forcës janë në rritje.
