Një 48-vjeçar shqiptar është arrestuar në Britaninë e Madhe pasi ishte i kërkuar për vrasje me arsye gjakmarrjeje. 48-vjeçari me iniciale L.L., u arrestua me qëllim ekstradimin në Shqipëri dhe ishte shpallur në kërkim ndërkombëtar.
Në fshatin Gjocaj, Peqin, në vitin 2021, është vrarë me armë zjarri A. B. Ndërsa 48-vjeçari dyshohet se ka pasur rolin e organizatorit dhe financuesit të kësaj vrasjeje, si dhe ka siguruar mjetet dhe kushtet për kryerjen e saj.
Po ashtu, pas ngjarjes, ai ka ndihmuar në transportimin dhe largimin e autorëve nga vendngjarja. Ndërkohë pritet ekstradimi i tij në Shqipëri në bashkëpunim me autoritetet britanike.
