Më 8 korrik, besimtarët bektashinj kremtojnë Ditën e Ashures, një nga ditët më të shenjta për komunitetin e tyre. Në këtë ditë të shenjtë, në Selinë e Shenjtë të Kryegjyshatës Botërore Bektashiane në Tiranë, do të zhvillohet ceremonia përkujtimore e Ashures, e cila do të drejtohet nga Kryegjyshi Botëror, Haxhi Dede Baba Edmond Brahimaj.
Ceremonia do të zhvillohet nga ora 10:00 deri në 11:30 dhe do të shërbejë si një moment reflektimi shpirtëror për besimtarët, të cilët ftohen të bashkohen për të ndarë mesazhin e unitetit dhe bashkimit që Kryegjyshi do të ndajë me ta.
Kjo ditë ka një domethënie të veçantë për bektashinjtë, pasi është një mundësi për t’u lidhur me traditat dhe mësimet e fesë, duke u përpjekur për forcimin e vlerave shpirtërore dhe kolektive.
