Në 24 orët e fundit, Shqipëria ka raportuar 19 vatra zjarri, prej të cilave 6 janë ende aktive. Vatrat janë shfaqur në bashkitë e Finiqit, Vlorës, Elbasanit, Poliçanit, Berat, Has, Bulqizë, Malësi e Madhe, Lezhë, Kolonjë, Korçë, Tiranë, Kavajë dhe Fier.
Vatrat më problematike janë në Elbasan, Finiq, Vlorë, Poliçan, Bulqizë dhe Malësi e Madhe. Disa prej këtyre zjarreve po shuhen me angazhimin e 37 automjeteve zjarrfikëse dhe 362 forcave operacionale, ndërsa Forcat e Armatosura janë gjithashtu të angazhuara.
Për pasojë, janë djegur rreth 65 hektarë me bimësi. Instituti i Gjeoshkencave parashikon një nivel rreziku të lartë për shumicën e qarqeve, duke bërë thirrje për përgjegjshmëri nga qytetarët dhe shmangien e veprimeve që mund të shkaktojnë zjarr.
