55-vjeçari Çlirim Dogani u arrestua pasi akuzohet si bashkëpuntori i Emalinda Ramës në vrasjen e babit të saj. Dogani ishte i martuar me dy fëmijë dhe prej viteshh punonte si shofer i linjës urbane Fier dhe fshatra të zonës Sukë e Strumë. Ai në polici ka mohuar se ka marrë pjesë në ngjarje.
Vajza e xhaxhait të Çlirimit, Manushe Dogani thotë se nuk mendon që ai ka pjesë në këtë ngjarje.
“Çlirimin e njoh shumë mirë, është familjar, ka dy fëmijë. Vajzën e ka të martuar, djalin e ka pamartuar. Me bujqësi janë marrë ata. Për ngjarjen nuk jam në brendësi. Por nuk ma merr mendja kurrë që Çlirimi ta bëjë këtë gjë”, u shpreh Manushe Dogani.
Ndërsa banori Fatmir Çalamani tha se e njihnin në fshat si njeri të mirë, punëtor e familjar.
“Është djalë i pastër, shumë punëtor dhe nuk ka pasur asnjë problem. Ai ka qenë shofer autobusi, është shumë i saktë, pa probleme. Nuk ma merr mendja që të përfshihet në këto”, u shpreh Fatmir Çalamani.
