Instituti Kombëtar i Shëndetësisë Publike të Kosovës (IKSHPK) ka paralajmëruar se temperaturat e larta të këtyre ditëve mund të ndikojnë negativisht në shëndetin dhe mirëqenien e qytetarëve, veçanërisht të grupeve të cenueshme.
IKSHPK-ja ka rekomanduar që të shmangen daljet gjatë orëve më të nxehta, si dhe të pihen një, dy apo tre litrave ujë në ditë dhe mbajtjen e shtëpisë të freskët.
“Periudhat e gjata me temperatura të larta gjatë ditës dhe natës krijojnë stres në trup dhe rrisin rrezikun e sëmundjeve apo vdekjeve nga ekspozimi ndaj nxehtësisë”, thuhet në njoftimin e IKSHPK.
Gjithashtu rekomandohet që të mbahet kontakt i rregullt me personat e moshuar, sidomos ata me sëmundje kronike apo që jetojnë vetëm, dhe të shmanget ekspozimi i fëmijëve në diell nga ora 10:00 në orën 17:00.
