Pas humbjes 2-1 ndaj Hajdukut në Split, trajneri i Dinamos, Ilir Daja, u shpreh se skuadra e tij bëri një paraqitje dinjitoze përballë një kundërshtari me më shumë eksperiencë.
“Luajtëm mirë në pjesën e parë dhe krijuam raste. Gabimet në pjesën e dytë na kushtuan, por rezultati është i hapur”, tha Daja.
Ai shtoi se me më shumë kujdes, Dinamo mund të kishte marrë një rezultat më pozitiv dhe se beson se ndeshja e kthimit në “Air Albania” më 14 gusht do ketë tjetër histori.
