Aksioni për lirimin e hapësirave publike ka vijuar edhe këtë javë në disa qytete të vendit, përfshirë edhe Shkodrën.
Kryeministri Edi Rama ka ndarë në rrjetet sociale pamje nga operacioni në këtë qytet, duke theksuar se ndërhyrjet janë pjesë e programit të “Rilindjes Urbane 2.0”.
Sipas Ramës, ky aksion është në funksion të përmirësimit të cilësisë së jetës në hapësirat komunitare dhe është pjesë e vizionit për integrimin e Shqipërisë në Bashkimin Europian deri në vitin 2030.
