Sekretari amerikan i Shtetit Marco Rubio gjatë vizitës në Ekuador njoftoi se SHBA janë të gatshme të përdorin çdo mjet, përfshirë edhe sulmet me eksploziv për të goditur trafikun e drogës.
Ai bëri me dije se bandat “Los Lobos” dhe “Los Choneros” do të shpallen organizata terroriste.
SHBA do të ndihmojnë Ekuadorin me 13.5 milionë dollarë për forcimin e sigurisë dhe 6 milionë për teknologji të avancuar si dronët për luftën ndaj trafikut të drogës.
Dhuna në Ekuador është rritur për shkak të përplasjes së bandave për kontrollin e rrugëve të kokainës, me rreth 70% të kokainës botërore që kalon nga ky vend.
Kjo situatë ka shtyrë shumë ekuadorianë të emigrojnë drejt SHBA-së.
