Kryetari i Partisë Demokratike të Kosovës (PDK), Bedri Hamza, ka reaguar përmes një deklarate lidhur me ftesën për një seancë të jashtëzakonshme të Kuvendit, e cila ka si temë zgjedhjen e presidentit të vendit.
Sipas tij, kjo ftesë është joserioze dhe ka për qëllim manipulimin e situatës.
“Para pak çastesh e pranuam edhe një ftesë për seancë të Kuvendit të Kosovës, me një pikë të vetme, zgjidhjen e presidentit të vendit. Është një veprim joserioz. Ka për qëllim manipulimin, një veprim që nuk prodhon rezultat. Një veprim që vendi po shkon në zgjedhje dhe përgjegjës është Kurti,” tha Hamza. Ai gjithashtu ka theksuar se PDK-ja është e gatshme të ofrojë zgjidhje, por se nuk ka marrë asnjë propozim konkret nga Lëvizja Vetëvendosje.
