Ervin Bulku, zëvendëstrajneri i Kombëtares shpjegoi zgjedhjet e Sylvinhos për takimin ndaj Letonisë.
“Në të gjitha ndeshjet jemi munduar të fusim sulmuesit më në formë. Të gjithë sulmuesit janë lojtarë që shënojnë në ekipet e tyre. Megjithatë nuk është njësoj si kombëtarja dhe klubet, sepse vështirësia është më e madhe.
Aftësitë e Brojës i dimë të gjithë. I kemi kërkuar të kërkojë thellësinë, për tu kombinuar me sulmuesit e tjerë. Me shpejtësinë e Brojës, do mundohemi të kapim zonat dhe t’i bëjmë keq kundërshtarit.
Duhet të jemi të kujdesshëm dhe të kemi dëshirë e agresivitet për të zhbllokuar rezultatin dhe të kemi kontrollin e lojës”, u shpreh Bulku.
