Në Pogradec ka nisur një aksion për lirimin e hapësirave publike, i fokusuar kryesisht në lagjen nr. 5. Drejtori i Agjencisë së Mbrojtjes së Territorit Markel Hafesllari njoftoi se deri tani janë prishur mbi 60 objekte pa leje në lagjet Kala dhe Pogradec.
Po ashtu, po identifikohen edhe objekte të tjera që kanë zënë hapësirat publike.
Hafesllari bëri thirrje për lirimin vullnetar nga qytetarët, ndërsa aksioni ka vijuar pa pasur rezistencë, me disa pronarë që kanë çmontuar vetë platformat.
Qëllimi i këtij operacioni është rikthimi i hapësirave për përdorim të përbashkët dhe krijimi i një mjedisi më të pastër dhe më të rregullt.
