Ish-ministri i Mjedisit, Lefter Koka, i dënuar për dosjet e inceneratorëve, ka kërkuar lirimin e menjëhershëm nga qelia, duke pretenduar se ka kaluar afati 3-vjeçar i paraburgimit për çështjen e inceneratorit të Fierit.
Kërkesa është depozituar në GJKKO dhe mbështetet në nenin 263 të Kodit të Procedurës Penale.
Gjykata e ka shtyrë shqyrtimin e saj për më 24 tetor.
Ndërkohë, Koka është liruar me kusht për dosjen e Elbasanit, ndërsa për Fierin dhe Tiranën vijon të përballet me drejtësinë, me një nga çështjet në rigjykim dhe tjetrën ende pa formë të prerë.
