Një aksident i rëndë ka ndodhur këtë të diel në unazën jugore të Bergamos, ku një Mercedes Benz u përplas me një furgon.
Nga përplasja humbën jetën dy të rinj shqiptarë, Klinton Sala, 23 vjeç, dhe Denis Cana, 21 vjeç, si dhe drejtuesi i furgonit, 62-vjeçari Oscar Angioletti. Vëllai i tij 64-vjeçar mbeti i plagosur rëndë.
Hetimet paraprake tregojnë se Mercedes-i tentoi të parakalonte në një zonë me vijë të dyfishtë të vazhdueshme, duke shkaktuar përplasjen fatale.
Rruga u mbyll për disa orë për hetimet e autoriteteve.
