Në Hagë vijon gjyqi ndaj ish-krerëve të Ushtrisë Çlirimtare të Kosovës, ku Hashim Thaçi akuzohet për krime lufte dhe krime kundër njerëzimit gjatë konfliktit të viteve 1998-1999.
Sot është dita e dytë e dëshmisë së Christopher Hill, ish-i dërguari i posaçëm i Shteteve të Bashkuara në Kosovë gjatë luftës, i cili ka dëshmuar në mbrojtje të Thaçit.
Në ditën e parë të dëshmisë, Hill u pyet nga avokati mbrojtës i ish-presidentit, Lluka Mishetiq. Ai deklaroi se nuk kishte dëgjuar apo pasur arsye për të besuar se Thaçi kishte dhënë urdhra për aktivitete të paligjshme gjatë periudhës së luftës. “Siç e kuptoj unë, ai është mbajtur i burgosur për një kohë të caktuar lidhur me këto çështje. Kur më kontaktuan për të dhënë dëshmi, ndjeva se ishte e drejtë të shprehja atë që dija për situatën,” tha Hill.
