Mbrëmjen e djeshme, policia e Korçës zhvilloi një operacion antidrogë që përfundoi me dy të arrestuar dhe një person të proceduar në gjendje të lirë.
Njëri prej të arrestuarve, S.D., 25 vjeç nga fshati Zëmblak, u kap me një sasi të kokainës të ndarë në doza të gatshme për shitje.
Gjatë kontrollit u ndal edhe një automjet me A.T., 20 vjeç, ku policia gjeti kanabis sativa. Një tjetër person, që ndodhej në makinë, tentoi të largohej, por u kap dhe u procedua në gjendje të lirë.
Të gjitha lëndët narkotike dhe pajisjet e sekuestruara janë dërguar për ekspertizë, ndërsa hetimet vazhdojnë për të identifikuar të gjithë personat e përfshirë në këtë veprimtari.
