Në orët e para të mëngjesit, një mobilieri në lagjen “28 Nëntori” të Vlorës është përfshirë nga flakët në mënyrë të papritur.
Sipas burimeve nga policia, dyshohet se zjarri është ndezur qëllimisht rreth orës 03:00.
Pamjet e kamerave të sigurisë tregojnë një person të maskuar që hyn pranë dyqanit, thyen xhamin e derës dhe më pas përdor benzinë për të ndezur ambientin.
Pas veprimit, autori është larguar nga vendi i ngjarjes.
Zjarrfikësit kanë arritur shpejt për të shuar flakët, ndërsa policia po punon për identifikimin e autorit dhe sqarimin e motivit. Nuk raportohet asnjë i lënduar, por dëmet materiale janë të konsiderueshme.
