Presidentja e Kosovës, Vjosa Osmani, ka komentuar të hënën situatën e buxhetit në disa komuna, pas bllokimit të shërbimeve publike.
Ajo tha se kishte kërkuar nga partitë politike të mblidheshin në Kuvend për të votuar buxhetin, por ato nuk u paraqitën në seancën e fundit.
Osmani shtoi se mungesa e partive nuk e bën të paligjshme procedurën e votimit dhe se një praktikë e tillë është përdorur më parë edhe gjatë qeverisë Hoti.
Ndërkohë, për shkak të mosmiratimit të buxhetit, disa shërbime të transportit urban dhe disa linja private kanë ndalur operimin. Kryetari i Prishtinës, Përparim Rama, së bashku me punonjësit e “Trafikut Urban”, protestuan para ndërtesës së Qeverisë për të tërhequr vëmendjen ndaj problemit.
