Kreu i SPAK, Altin Dumani, mori pjesë javën e kaluar në Bruksel në një takim trilateral me përfaqësues të BE-së, Amerikës Latine dhe Ballkanit Perëndimor.
Takimi kishte për qëllim forcimin e bashkëpunimit në luftën kundër krimit të organizuar dhe trafikut të drogës.
“Vetëm një përgjigje e koordinuar mund të japë rezultate kundër rrjeteve kriminale që veprojnë globalisht,” tha Dumani, duke paraqitur edhe rezultatet konkrete të SPAK, përfshirë arrestimet dhe goditjet ndaj grupeve kriminale ndërkufitare.
