Gentian Gjyli, drejtues i ARRSH dhe vartës i Belinda Ballukut, u paraqit sot në SPAK, ndërsa ndodhet nën masën “arrest shtëpie”, ashtu si dhe drejtori i KESH, Erlad Elezi.
Balluku është pezulluar nga detyra dhe pa pasaportë me vendim të GJKKO, pasi akuzohet për shkelje të barazisë në tenderat e Tunelit të Llogarasë dhe lotit 4 të Unazës së Jashtme.
Sipas SPAK, Balluku, Gjyli, Elezi, ish-drejtori i ARRSH Evis Berberi dhe zyrtarë të tjerë dyshohet se kanë manipuluar këto dy tendera me vlerë 210 milionë euro.
Gjykata ka vlerësuar se masat e sigurimit janë të nevojshme për të shmangur ndikimin në prova dhe te dëshmitarët.
Hetimet për dy procedurat konsiderohen ndër më të rëndësishmet për abuzime me fonde publike.
